Cymwysterau (390k) 
12 Wythnos
Preswyl: £4600.00 (Yn cynnwys modiwl hyfforddi yn Dahab)
Di-breswyl: £3835.00 (Yn cynnwys modiwl hyfforddi yn Dahab)
Troi Angerdd Yn Yrfa!
Mae’r cwrs hwn wedi’i dargedu at y rhai sy’n frwd ynghylch chwaraeon dŵr ac sy’n awyddus i ddatblygu eu hangerdd yn yrfa.
Mae’r ffrâm amser byrrach yn golygu ei bod yn ofynnol i fyfyrwyr fod o safon uwch ym mhob un o’r disgyblaethau cyn mynychu’r cwrs ac mae’r cwrs yn canolbwyntio ar ddim ond dwy gamp: hwylio a gwyntsyrffio.
Does gan bawb ddim 26 wythnos yn rhydd ar gyfer derbyn hyfforddiant ac ar gyfer y rhai sydd eisoes yn forwyr neu’n wyntsyrffwyr brwd, mae’r cwrs hwn yn eu galluogi i wneud cynnydd i lefel hyfforddwr mewn cyfnod byrrach.
Cynhelir y cwrs hwn rhwng misoedd Tachwedd a Mawrth, gan orffen ar adeg pan mae nifer o ganolfannau’n recriwtio staff ar gyfer tymor yr haf.
Cymwysterau Hyfforddwr Allweddol
- Hyfforddwr Dingi’r GIF
- Hyfforddwr Dechrau Gwyntsyrffio’r GIF
Am restr lawn o’r tystysgrifau, y dyfarniadau a’r cymwysterau sy’n agored i chi ar y cwrs hwn, lawrlwythwch y PDF os gwelwch yn dda.
Mae’r cymwysterau a’r sgiliau diogelwch fyddwch chi’n eu dysgu ar gwrs Hyfforddi Hwylio a Gwyntsyrffio’n hanfodol ar gyfer dysgu yn yr holl ganolfannau hyfforddi proffesiynol a’r holl ysgolion yn y DG ac mewn nifer o wledydd tramor.
Er mwyn ennill y cymwysterau, byddwch yn derbyn hyfforddiant dwys gan ein staff hynod gymwys, yn cynnwys hyfforddwyr ac arholwyr sy’n arbenigo ar yr holl chwaraeon dŵr a gynigir yn y Ganolfan.
Byddwch hefyd yn cael eich annog i ymarfer a gwella eich sgiliau yn eich amser rhydd ac yn cael defnyddio cit y ganolfan, unwaith yr ydych wedi cael eich clirio fel rhywun ‘diogel’ i’w ddefnyddio gan Gyfarwyddwr y Cwrs neu’r Prif Hyfforddwr.
Er bod y ganolfan yn dawelach yn ystod misoedd y gaeaf, rydym yn ceisio sicrhau bod y myfyrwyr ar gwrs y gaeaf yn ennill rhyw faint o brofiad uniongyrchol, ond mae’r cyfleoedd yn fwy cyfyngedig.
Mae’r cwrs yn cyfuno gyda’r cwrs Hyfforddwr Chwaraeon Dŵr y Gaeaf, lle bo hynny’n briodol, ac mae’r myfyrwyr hefyd yn elwa o’r modiwl dwy wythnos o hyfforddiant sgiliau dwys yn Dahab, Yr Aifft.
Lefel Mynediad
Yn ddelfrydol, dylech allu hwylio a gwyntsyrffio o amgylch cwrs triongl yn gyfforddus.
Sut i archebu
Os oes gennych ddiddordeb mewn archebu lle ar y cwrs hwn, os hoffech wybodaeth bellach neu os hoffech drafod y cwrs ymhellach, cwblhewch y ffurflen isod a bydd rhywun yn cysylltu â chi i’w drafod yn fuan. Fel dewis arall, cysylltwch â’r ganolfan ar 01248 670 964.
Dyddiadau yn y Dyfodol
- 23 Tachwedd 09 - 26 Chwefror 2010
- 22 Tachwedd 10 - 25 Chwefror 2011
